Bir go‘zal tuyg‘uni ko‘ngilga berdik
| Bir go‘zal tuyg‘uni ko‘ngilga berdik, Tuyg‘uga ko‘ngilni berdik ehtimol. Biz uchun dunyoga toza ishq keldi, Ishq uchun dunyoga keldik ehtimol . Nigohlar, qarashlar, nafasimiz bir, Qalbda kurtak yozar orzu, ehtiros. Sevgi vodiysida havasimiz bir, Ammo g‘ussa bunda qilar e'tiroz. Sog‘inchda yashirin, sitamda pinhon, Azob ham, og‘riq ham ovunsin mayli. Taqdir so‘qmog‘ida, malikam, ishon, Sevgi qadr topar g‘ussa tufayli. Shukr qil, Ishq sabab olam bir butun. Qara, dunyo go‘zal bergin e'tibor. Ehtimol muhabbat omon biz uchun , Omonmiz muhabbat uchun ehtimol!.. | |
|
| |
| Просмотров: 1740 | | |
| Всего комментариев: 0 | |