Наврўз Шерлар Табриклар
Ҳадемай настарин гуллайди бодраб,
Осмонга ҳушимни элтиб ифори.
Қуёшли шудринглар тушар эрталаб.
Ювиб диллардаги қишнинг ғуборин.

Ҳадемай қалдирғоч келади қайтиб,
Ўрик шоҳларида бўртар довучча,
Турналар азалий қўшиғин айтиб,
Сумалак пишади тонг отгунича.

Ҳадемай лолалар бўсадек титраб,
Тоғлар виқорига мунис боқарлар,
Яна неча-неча ошиқлар йиғлаб,
Бир-бирин бағрида гулҳан ёқарлар.

Менинг бир куним ҳам кун деб Қиш ночор,
Кетолмай қор сепиб туради ҳануз,
Бир куй яралади,Қуёш бастакор,
Ҳадемай Наврўздир, ҳадемай Наврўз!
Категория: SMS Navro'z sherlar | Добавил: MILLIONER (15.03.2021)
Просмотров: 417 | Теги: BAYRAMI, Navruz | Рейтинг: 5.0/2
Всего комментариев: 0