Ishon men Baxtliman judaham
Ишон. Мен бахтлиман. Жудаям!
Мендай бир телба йўқ оламда.
Кулгимнинг нафаси бир тутам,
Қувончим йиғлайди аламда...

Ишон. Мен бахтлиман.
Елкамда
Ҳижроннинг Осмондай юки бор.
Мужгоним қорайди бир намда -
Кун чиққан кунлардан умидвор.

Ишон. Мен бахтлиман!
Назар сол -
Хасадлар бўғзимга солар чанг.
Бунда мен бир гадо, эҳтимол,
Гадода минг ғаним - изласанг...

Ишон. Мен бахтлиман!
Ўксинма!
Худо бир синов, бир бахт берар.
Синовлар теграда.
Мен синмам -
Курашсам орзудай тахт берар...

Ишон. Мен бахтлиман.
Сен ахир -
Мен, деган шу дардга иқрорсан.
Мен учун яралган бир тақдир -
Шу нурсиз умримда Сен борсан!!!
Ишон. Мен бахтлиман!
Жудаям!!!
Категория: SMS Sevgi sherlari | Добавил: MILLIONER (03.09.2019)
Просмотров: 2023 | Теги: Ishon men Baxtliman judaham | Рейтинг: 1.0/1
Всего комментариев: 0