Ertug'rul Turk serial (Uzbek tilida) (1-Fasl) 8, 9, 10, 11, 12, 13, 14, 15, 16, 17-Qism

Усмонлилар Беклигининг асосчиси, Усмон Бекнинг отаси бўлган Эртуғрул Ғозий, туркийлар тарихида аҳамиятли шахслардандир. XIII асрга бориб дунё катта ўзгаришларга гувоҳ бўлди. Онадўли ери турли империяларнинг зиддиятлари авж олган нуқтага айланганди. 1071 йилда турклар забт этган бу юртларда энди хочлилар ва мўғуллар ҳам шерик бўлмоқчи эдилар. Оқденгиз, Қора денгиз, Болқон, Қафқос ва Месопатамия янги эгасини излаётганди. Ана шу қирғинбаротлар ичида ўртага чиққан Эртуғрул Ғозий орзулари ортидан кетмоқчи бўлиб, дунёга янгича маданият армуғон қилди. У тамал тошини қўйган давлат дунёнинг қисматини ўзгартириб юборди. IX асрда Эртуғрул Ғозийнинг оталари, 50 минг (баъзи манбаларда 70 минг) атрофидаги хонадон эгалари бўлмиш Ўғуз бойлари билан бирга мўғуллар истилосидан қочиб, Бухоро ва Самарқанд устидаги Жайҳун (Амударё) дарёсини кечиб Хуросон (Туркманистон) вилоятининг Марв (Моҳан) шаҳрига жойлашадилар. Эртуғрул ҳақли равишда Усмонли империясининг отаси ҳисобланади. Бу жангчи ўзининг жасорати, сабр-тоқати ва матонати туфайли кейинчалик Усмонлилар салтанатини ташкил этган буюк истилоларни бошлаб юборди. У ҳукмронлиги даврида Кичик Осиёнинг бутун ғарбий қисмини босиб олишга муваффақ бўлди ва унинг авлодлари империяни олти аср давомида бошқарди. Сериалда буюк кўчиш, янги ерларнинг забт этилиши, тарихий юришлар ҳақида сўз боради